Google ADS

Enrique: Është një moment i trishtuar që po përjetojmë, u uroj atyre më të mirën në finale

08:37 | 8 Maj 2024
D.H

Parisi është eliminuar në gjysmëfinale të Champions League nga Dortmundi pasi u mposht mbrëmë në Parkun e Princave me rezultat 1-0.

Gjithashtu me të njëjtin rezultat u mposht edhe në ndeshjen e parë në Gjermani, shkruan Arbresh.info.

Pas ndeshjes trajneri i PSG-së, Luis Enrique tha se është një moment i trishtë, mirëpo vlerësoi angazhimin e madh të Dortmundit.

“Është një moment i trishtuar që po përjetojmë. Në sport, kur humbet në këtë mënyrë dhemb shumë. Është koha për të uruar Borussia Dortmundin sepse ata kanë pasur një angazhim të madh”, tha fillimisht Enrique.

Tutje ai u dëshiron suksese skuadrës gjermane në finale.

“Është gara e të fortëve. Askush nuk e kishte nënvlerësuar Dortmundin. Askush që di për futbollin. Rezultatet janë ato që janë dhe u uroj atyre më të mirën në finale sepse kanë të njëjtat mundësi si finalisti tjetër,” tha ai.

Dortmundi në finale do të luaj me fituesin e çiftit tjetër gjysmëfinal Real Madrid-Bayern Munich./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm